LNCT Special

Samundar ke kinare par leheron ki tarah
Har dil ko aati rahengi college ki yaadien

Subah late uthke bhaagte daudte nahaana
Bus stop par jaate jaate shirt ke button lagaana
Bhag ke bus pakadna aur driver pe chillana
Last seat par beth kar zor se gaane gaana

Bus stop se hanumanji ke mandir mein ghanti bajaana
Wahan se seedhe tapare jaa ke cigarette sulgana
Udhari mein chai peena aur mgmt. ko gaali sunaana
Roz late class mein jaa ke ‘bus chhoot gayi thi’ bataana

Uniform jaaye tel lene hum to red T shirt mein jaayenge
Rai sir dikh gaye to idhar udhar mooh chhipayenge
Har period mein paani ke liye hahakar machaana
Paanch minute ka bol kar 15 minute mein waapas aana

Library ke bahaane canteen mein petis dabaana
Ya Deptt. Ya TNP mein beth ke gappe lagaana
Ya funti ko dekhne uski class ka chakkar lagaana
Aur koi poochh le to ‘office ka kaam tha’ bataana

Doosre ke love interest ko bhabhi bhabhi chillana
Apni baari aaye to sabko aankhein dikhana
Do chaar par nazar rakhna, ek ko apni bataana
Ek do ko behen bana kar fultoo masti udaana

Class mein sabka tiffin khaake dheere se canteen jaana
Jeb mein paise naa ho to lootere ban jaana
Lab ke kone mein beth kar khoob bakar farmaana
Ya Attendance ke time pahoonch kar yes mam chillana

Mid sem tension mein raat raat jaagana
Aadhe ghante mein per karke jaldi ghar bhagana
Sessional wale teachers ko pataana, doosron ko rulaana
Kam no. aajayen to ro ro ke badhawaana

Chaar saal ki college life bus yoohi beet gayi
Life ke almirah me ek aur album saj gayi
Doston se who nok-jhok, masti aur woh batien
Har dil ko aati rahengi college ki yaadein